ˈCƖƐCƖƐKÏBHË 10
-N -kä bhïla dɔˈwʋ -wʋ, sɛɛ -naˈa wɛlɩɩ ˈkää -wʋ
Proverbes 8:4, 7
ˈSAA -N ˈKÄÄ NƲ: Sɛɛ wa ˈkää -naˈa ˈmösɛnɩwɛlɩɩ ˈmö ˈnʋ, yɩ ˈkä nɩkpa a dila kɛ zɩ, bhïla -sɩbhä. Zaa -n bhɛnɩ -n ˈkä wɛlɩɩ ghäyɩ ˈpä, -n ˈkiˈɛ dʋdʋ ˈwʋ -lɛ, -n ˈkä -zɛlɩ ˈmö -sɛ, -n ˈkäˈɛ ˈwʋ -päpanɩsɛ bhïla.
SƐƐ -N ˈKÄÄ ˈZƲ:
-
-N bhɛnɩ -n ˈkä wɛlɩɩ ghäyɩ ˈpä, -n ˈkiˈɛ dʋdʋ ˈwʋ -lɛ. -N -kä dɛsɛkäkïbhï ˈmö -sɛsɛnɩ dɔˈwʋ -wʋ, ˈpä wɛlɩɩ ghäyɩ, -n ˈkä ˈyukwlipʋnɩwaa -mä ˈsunɩ, wa ˈkä -lu nʋ. -N -kä Biblë a gbɛlʋ ˈmö zɛlɩ dɔˈwʋ -wʋ, -wʋ bhïla Lagɔ ˈa -zijle ˈkädaa a wɛlɩɩ, ˈzʋ -sɩbhä. -N -kä -lii -yɩ ˈkää zɩkö ˈyli ˈwlʋnɩ, -yɩ libhaa dlɩ, -yɩ -bhöä ŋanɔ ˈwʋ, a wɛlɩɩ bhïla dɔˈwʋ -wʋ, -lɛ wɛlɩɩ dʋdʋ ˈwʋ.
-
-N bhɛnɩ -n ˈkä -zɛlɩ ˈmö -sɛ, -n ˈkäˈɛ ˈwʋ ˈpäpänɩ. Bhïla ˈwʋ -päpanɩsɛ, -n ˈkä ˈyukwlipʋnɩwaa ˈmäna dlɩ zɛmö ˈzʋ. -N -kä dɛsɛkäkïbhï a wɛlɩɩ bhïla dɔˈwʋ -wʋ, -sɛ -zɛlɩ ˈmö.