10 NU GÈ NÒ
Ge Nyaaná Bá Ló O Lòbèl
Próvẹẹ̀b 8:4, 7
GE KỌ́ MM̀ ŃKPULU BÁ: Palàge ló bel õ̀ònà dẽe nè mm̀ sĩ́deè ea é tọ́á ló nen tení dú ló gè nyaaná bá ló bé eo dalà mon boo, ge kìlmà mon kẽ, nè bé eo gbálà nè ge ọọ naa.
BÉ EO É NÁA NAA:
-
Olòó dàlà mon boo nè ge kìlmà mon kẽ tṍó ea bọ́ló. Dàlà mon boo tṍó eo gé kọ́ gá ea bọ́ló kọ nen á nvèè kpíí ló nè tṍó eo gé síè kpóó ló gbò e bà gé pãané ni tṍ ló. Naa nagé vó tṍó eo gé bugi dọ̀ Kpá Káí ea fáálá bèèlà bel. Kìlmà mon kẽ tṍó eo gbĩ́ì kọ bàá ié tàn nyòòmà bel eo é gé ló àbèè tṍó eo gé ló bel pọ̀ àbèè bel bùlà.
-
Olòó nyaaná mon. Be à bọ́ló mm̀ bọọ dém bel, dàlà mon boo ge nvèè kà m àbèè ge dòòmà bá bé e nu bọọ́ gbàà àbèè bé ea dú begè naa. Kìlmà mon kẽ ge zogè bììla nyié àbèè tã̀àgã̀ bùlà.
-
Gbalá sìgà tṍó vaá ò ọọ́ sìgà tṍó. Palàge ló bel gbalá ge zogè tṍó e nyíé ni ẹ́ẹ. Ló bel ọọ tṍó eo gbĩ́ì ge ló bel boo gbò gá ea dì bíi.
