Badili lidi lyako. Anjedya lidi ukalota kulodya imbande ikumene pakulota uvape dimongo vanu vakwigwilíla. Tenda davo muwakati waushomya lyaandiko livalanga ukumu umwe Yeova. Pungula lidi pakulota kuvatadya kuvanavo dukuduku yakumanya, au kutangola shinu shakujowa na mangaikangilo.

Badili matangodi. Kulingana na inangodi yako, anjedya lidi lyako muwakati wautangola vinu vyalipuwilo au pautangola kukulumuka kwashinu kwali kulepa kwa shuluta. Pungula lidi padyoko pakulota ulodye kupwateka au kushanga.

Kwanjedya au kupungula. Tangola na kupajanianga muwakati wauvalanga vinu vyalipuwilo. Pungula lidi muwakati waulota kunyanyakadyedya dimbande dikumene.