မၤဒိၣ်ထီၣ်​ မ့တမ့ၢ် မၤဆံးလီၤနကလုၢ်. ဒ်သိးတၢ်ဂ့ၢ်လၢ နတဲတဖၣ်​ ကထိၣ်ဟူးထီၣ်ဂဲၤထီၣ်​ နပှၤဒိကနၣ်တၢ်ဖိအသး ဒီးတၢ်ဂ့ၢ်မိၢ်ပှၢ်ကဖျါထီၣ်အဂီၢ် တဲဒိၣ်ထီၣ်နကလုၢ်တက့ၢ်. ဖဲနဖးပၠးအဝဲသ့ၣ်​ လံာ်စီဆှံအဆၢလၢ အအိၣ်ဒီးတၢ်စံၣ်ညီၣ်အဂ့ၢ်အခါ မၤဒိၣ်ထီၣ်စ့ၢ်ကီးနကလုၢ်တက့ၢ်. နမ့ၢ်ကတဲတၢ်ဂ့ၢ်လၢ အဘၣ်ဃးဒီး တၢ်ပျံၤတၢ်ဖုး မ့တမ့ၢ် တၢ်သူၣ်ကိၢ်သးဂီၤန့ၣ်​ မၤဆံးလီၤနကလုၢ်တက့ၢ်.

ဆီတလဲနကလုၢ်အထီၣ်အလီၤ အကလုာ်ကလုာ်တက့ၢ်. ဖဲနတဲဘၣ်ဃးဒီး တၢ်သူၣ်ဆူၣ်သးဆူၣ်အဂ့ၢ် မ့တမ့ၢ် နမ့ၢ်ကပာ်ဖျါထီၣ်​ တၢ်လီၢ်အယံၤအဘူးအခါ မ့ၢ်ကြၢးဝဲဘၣ်ဝဲလၢ နကျိာ်န့ၣ်​ ထုးပယူာ်နကလုၢ်တက့ၢ်. နမ့ၢ်တဲတၢ်ဂ့ၢ်လၢ အဘၣ်ဃးဒီး တၢ်သူၣ်အုးသးအုးဒီး တၢ်သူၣ်ကိၢ်သးဂီၤအဂ့ၢ်န့ၣ်​ မၤလီၤနကလုၢ်တက့ၢ်.

တဲချ့ချ့ မ့တမ့ၢ် တဲကဘှၢလီၤတက့ၢ်. နမ့ၢ်တဲတၢ်ဂ့ၢ်လၢ အပာ်ဖျါထီၣ်​ တၢ်သူၣ်ခုသးခု ဒီးတၢ်သူၣ်ဆူၣ်သးဆူၣ်န့ၣ်​ တဲအီၤလၢ နကလုၢ်ချ့ချ့တက့ၢ်. ဘၣ်ဆၣ်​ ဖဲနတဲတၢ်ဂ့ၢ်လၢ အရ့ဒိၣ်အခါ တဲကဘှၢလီၤနကလုၢ်တက့ၢ်.