Tengulula ku lijwi. Amesa lijwi lyobe nga ukanyamesa bisimpi byakama, nambe kushongangeya banu. Linga ngoco na ha kutanda Bisoneka bije bili na muzimbu wa kusompa. Kehesa ku lijwi mangana ushangumune lihwila lyabo lya kutolilila, nambe nga ushaka kwendeka byuma bya kutewesa.

Tengulula ku nzili ya lijwi. Nga citaba mu ndaka yobe, amesa nzili ya lijwi ha kumwesa ngwobe uli na kwendeka na ntwima, nambe kumwesa bukama, nambe bulaha bwa cuma. Tepulula ku nzili ya lijwi nga wendeka ñanda ya busiwa, nambe ya kulishoshomwena.

Tengulula ku lumbisi lwa kwendeka. Zambwisa kwendeka nga usimutwiya byuma bije bizibisa lika kubwaha. Oloni libandeke nga wendeka bisimpi byakama.