10 УРОК
Йӱк вашталтмаш
Апост. пашашт 16:28
ЦЕЛЬЖЕ Шонымашым раш каласаш да колыштшо-влакын шижмашыштым тарваташ манын, ойлыметын писылыкшым да йӱкетын вий ден тӱсшым вашталтыл.
КУЗЕ ТИДЫМ ЫШТАШ
-
Йӱкын вийжым вашталтыл. Тӱҥ шонымашым палемдаш але иктаж-мом ышташ тараташ кӱлеш гын, виянрак ойло. Библий гыч Юмын суд пунчалжым лудмет годым тиде йӧнымак кучылт. Колыштшо-влакын колышташ кумылыштым вияҥдаш манын, йӱкетын вийжым иземде. Йӱкын вийжым иземдымаш тыгак шижмашым ончыкташ полша, мутлан, лӱдмым але тургыжланымым.
-
Йӱкын тӱсшым вашталтыл. Шижмашым ончыкташлан, мутлан, ойгырымым, чон вургыжмым але кумылаҥмым, йӱкетын тӱсшым вашталте. Йӱкын тӱсшым вашталтмаш дене тыгак иктаж-мон кугытшым але кужытшым палемдаш лиеш.
-
Ойлыметын писылыкшым вашталтыл. Куанымашым ончыкташлан писынрак ойло. Кӱлешан шонымашым ойлымет годым эркынрак каласе.