Fetofetoša modumo wa lentšu. Oketša lentšu ge o bolela dintlha tše bohlokwa le ge o hlohleletša batheetši go dira selo se itšego. Dira se se swanago ge o bala Mangwalo ao a bolelago ka dikahlolo. Eupša fokotša lentšu ge o nyaka gore batheetši ba go fe ditsebe le ge o nyaka go ba botša taba ya go tšhoša goba ya go imela.

Fetoša segalo. Ge e ba go tlwaelegile lelemeng la geno, bolela ka segalo sa godimo go bontšha mafolofolo goba go bontšha batheetši bogolo bja selo goba monabo. Diriša segalo sa fase ge o bolela dilo tša go kweša bohloko goba tše di nyamišago.

Fetofetoša lebelo leo o bolelago ka lona. Ge o bolela dilo tše di thabišago, bolela ka lebelo. Ge o bolela dintlha tše bohlokwa, fokotša lebelo.