10. LEKCIJA
Promin to glaso
Godžalje lafija 8:3, 4, 7, i fusnota
SO TE ČERE: Vačer jasno o mislija hem čer o lafija te khuven e manušendže ko vilo, adžahar so ka vazde to glaso ja ka smanjine to glaso, ka vačere posigate ja pohari.
SAR TE ČERE ODOVA:
-
Vazde ja smanjin to glaso. Te šaj te mothove o glavna mislija hem te podstaknine e manušen te čeren diso, vazde to glaso. Čer odova hem ked čitineja disavi osuda ando Devljeso Lafi. Smanjin to glaso ked mangeja avera te adžičeren odova so ka vačere. Isto adžahar hem ked mangeja te glasoja te mothove dar ja pharipe.
-
Čer promene ko toklo glaso. Ked hijan bahtalo ja tužno, na vačereja ko isto način. Odoljese, valjani te promine to glaso ked vačereja ando buča soj tane radosna ja tužna. Isto šaj te produžine jekh slovo ko lafi te šaj te naglasine soj tano diso dur ja paše, baro ja tikno. Na primer, ko lafi „dur“ šaj te produžine o slovo „u“.