SIFUNDVO 10
Kushintjashintja Livi
Taga 8:4, 7
LOKUFANELE UKWENTE: Veta emaphuzu ngendlela lekhanyako, wente labakulalele batsintseke ngendlela loshintjashintja ngayo livi, ngekuphakama kwalo, ngendlela livi lakho lelivakala ngayo nangelitubane lalo.
INDLELA YEKUKWENTA:
-
Shintjashintja kuphakama kwelivi lakho. Phakamisa livi lakho kute ugcamise emaphuzu lamcoka futsi ukhutsate labakulalele. Yenta ngendlela lefanako nawufundza emavesi lacuketse tehlulelo. Yehlisa livi lakho kute wakhe kulangatelela noma kute uvete imiva yekwesaba nobe yekukhatsateka.
-
Shintjashintja indlela livi lakho lelivakala ngayo. Nangabe kufaneleka elulwimini lwakho, khulisa indlela livi lakho lelivakala ngayo kute uvete umdlandla noma uchaze bukhulu bentfo nobe budze bendzawo. Nciphisa livi kute uvete buhlungu noma kukhatsateka.
-
Shintjashintja litubane. Khuluma ngekusheshisa kute uvete kujabula. Khuluma ungasheshisi nawetfula emaphuzu lamcoka.
