Atorẹ̌ volume suara. Pakaihạ mẹ̌bisara su tempong mělahẹ pokok utama dingangu su tempong měmahansang, arau su tempong mẹ̌basa ayatẹ̌ soal u hukumang. Pakasanạ volume suara gunang měnodẹ pěndang matakụ arau guměnggang, arau gunang měkoạ i sire měngampal᷊ẹ̌ apa sarung ul᷊ịkang tuhụe.

Atorẹ̌ nada suara. Mạeng nẹ̌tatahino su bawerang i kamene, pakarangẹ nada suara gunang měnodẹ sěmangatẹ̌ arau měnodẹ ukuran arau jarak. Pakasanạ nada suara gunang měnodẹ gěnggang arau kasasusang naung.

Atorẹ̌ kasahawụe mẹ̌bisara. Pakasahawụ mẹ̌bisara gunang měnodẹ pěndang mal᷊uasẹ̌. Pẹ̌bisara limembong mal᷊ongge su tempong mělahẹ pokok penting.