Sinthani nkhongono yinu ya mazgu. Sazgiraniko nkhongono ya mazgu ghinu kuti mudidimizge fundo zikuru kweniso kuti muchiske ŵategherezgi ŵinu. Chitani mwakuyana waka para mukuŵazga uthenga wa cheruzgo wa mu Baibolo. Khizgani nkhongono ya mazgu ghinu kuti mupangiske ŵategherezgi kunweka na ivyo muyowoyenge panji kuti mulongore kuti mukuchita wofi na kwenjerwa.

Sinthani kapulikikwiro ka mazgu ghinu. Para ntchakuzomerezgeka mu chiyowoyero chinu, kwezgani mazgu kuti mulongore kuthukutera, ukuru wa chinthu panji utali wa mtunda. Khizgani mazgu ghinu kuti mulongore chitima panji kwenjerwa.

Sinthani sipidi ya mazgu ghinu. Yowoyani mwaluŵiro chomene kuti mulongore kukondwa. Yowoyani mwapachokopachoko para mukuzunura fundo zakuzirwa.