ARADMAN 10
Pagburobag-o han Tingog
Proberbios 8:4, 7
SUMARYO: Ipahayag hin matin-aw an mga punto ngan bantara an kasingkasing han imo mamarati pinaagi ha pagburobag-o han kadaku ngan tono han imo tingog, ngan kalaksihon han imo pagyakan.
KON PAONAN-O ITO BUBUHATON:
-
Burobag-oha an kadaku han imo tingog. Padakua an imo tingog basi pabug-atan an importante nga mga punto ngan pagiuson an imo mamarati. Ito liwat an buhata kon nagbabasa hin paghukom tikang ha Biblia. Ibani an kadaku han imo tingog basi makaaghat hin eksaytment o kahadlok o kabaraka.
-
Burobag-oha an imo tono. Kon angayan ha iyo yinaknan, pahitas-a an imo tono basi ipahayag an kadasig o kadaku o kahirayo. Pahamuboa an imo tono basi ipahayag an kasakit o kabaraka.
-
Burobag-oha an kalaksi han imo pagyakan. Pagyakan hin mas malaksi basi maipahayag an kalipay. Hinay-hinaya an pagyakan kon nagpapahayag hin importante nga mga punto.
