Royiri i lembe m’ibeponjo. Kinde m’ibeyiko ponji peri, par pi kony ma ponjine bimio ni dhanu. Tim kero ing’ei cuu gin m’ibeciponjo, kara iwok iponje niai kud i adundeni.

Dieng’ pi juwinj. Par pi bero ma lembe m’ibisomo kunoke m’ibiponjo copo mio ni jumange. Ponj lembe i ayi ma copo konyo ju m’ubewinji ginen kamaleng’ bero ma ponjine copo mio igi.

Mii tego i ponji peri. Wec ku yaw yaw. Tii ku jeste m’ukwayere, man ayi mi weng’i unyuth kamaleng’ nia in de iyio andhandha gin m’ibeponjo.