Yab ntù o num ju o tshwèt ntswide là. Ngelañ o tshwèt nabte wul o nefà yu tu ntshob là, siañde nu mebwô mfà num ju zʼo tswide là. Ziʼde ndèn yu tu ntshob mebwô, ndùla, oaʼ be tswide, a nke mfe à ntù o.

Kwade ben tse bo juʼ o là. Siañde nu mfà num bin ze ben tse bo juʼ o là nsi jù num yu ntswide ke num bag ñwaʼni o siañ nà lo. Kwade ba mat nefà yu tu ntshob tse bʼa tènde ben tse bo juʼ o là nebèn nkô men ntswide là nèn mbwe.

Fà yôg yu tu ntshobe. Tshob à bo fiag wut. Loʼ nkeki mbu, mba ntshaʼ se o neñwade ndaʼde ju a ntùm ntù o là yi.