Сӑмахусем чӗререн тухчӑр. Хатӗрленнӗ чухне ҫак материал мӗншӗн питӗ кирлӗ пулни ҫинчен шухӑшла. Ирӗклӗн калаҫас тесен тата сӑмахсем чӗререн тухчӑр тесен темӑна питӗ лайӑх пӗлмелле.

Итлекенсем ҫинчен шутла. Хӑв вулас е ӑнлантарса парас материал хӑш енчен усӑ пама пултарни ҫинчен шухӑшла. Итлекенсене ҫак информаци питӗ кирлӗ пулнине курма пулӑшас тесе ӑна мӗнле каласа памалли пирки шутласа хур.

Ҫӗкленӳллӗн калаҫ. Ыттисене сана итлеме интереслӗ пултӑр тесе хавхалануллӑн калаҫ. Хӑв мӗн туйнине кӑтартас тесе пит-куҫпа алла яланхи пекех вылят.