Tûla mutima mu mutu-diambu. Bu kubika tinzonzi tiaku, tomo banza mfunu ya nsangu zaku. Tomo zabirila mabanza ma longesa ngatu watâ mo mu mutima wawansoni.

Banza bantu bata ku wâ. Dimbitila bwe nsangu zi tanga peleko zi longesa zinatina ndandu kwe bantu bakaka. Dinga mpila zi têla nsangu zango mu yangirika bantu bata ku wâ.

Zonza na tiya twatwansoni. Zonza na luhemo. Sarila bidimbu bifwanane (gestes) mpe tidiri tiaku tifweti songela mabanza me naku ku mutima.