CHILONGESA 11
Twima
Wavaka-Loma 12:11
VYUMA WATELA KULINGA: Hanjika natwima mangana ukunyule vaze vali nakwivwilila vapwenga napwipwi yakwivwilila.
MWAKULINGILA NGOCHO:
-
Chihande chatela kukukwata ove yavene kumuchima. Omu nauwahisa chimweza vyuma vize naukahanjika, watela kushinganyeka chikuma hakulema chamujimbu kana. Kaha watela kutachikiza kanawa vyuma mukahanjika mangana ukahase kuvihanjika namuchima wove wosena.
-
Shinganyeka hali vaze navakakwivwilila. Shinganyeka omwo vatu navakanganyala kumujimbu uze naukatanga chipwe naukavanangula. Watela kushinganyeka hajila yakukahanjikilamo mangana navaze navakakwivwilila vakamone kulema chipwe nganyo yamujimbu kana.
-
Yemesa chihande chove. Watela kuhanjika natwima, nakuzachisa mujimba hakuhanjika, nakusolola hameso omwo uli nakwivwa havyuma uli nakuhanjika.