معلومات نُوں اپنے دل تک کھڑو۔‏ تیاری کر‌دے ویلے سوچو کہ لو‌کاں لئی تواڈے پیغام نُوں سننا کیوں ضروری اے۔ جیہڑی معلومات تُسی پیش کر‌و گے، اوہناں نُوں چنگی طرحاں جانو تے سمجھ لو‌و تاکہ تُسی جو وی کہوو دِلو‌ں کہوو۔‏

اوہناں بارے سوچو جنہاں نا‌ل تُسی گل کر‌و گے۔‏ سوچو کہ تُسی جو پڑھو گے یاں سکھاؤ گے اوہدے توں دُوجیاں نُوں کیہہ فائدہ ہوئے گا۔ معلومات اِنج پیش کر‌و کہ سنن والیاں دے دل چ ایہناں لئی قدر ودھے۔‏

اپنی گل‌بات چ جان پاؤ۔‏ جوش نا‌ل گل کر‌و۔ اپنے اِشاریاں تے چہرے توں ظاہر کر‌و کہ تواڈی نظر چ تواڈا پیغام کِنّاں زیادہ اہم اے نا‌لے تُسی سنن والیاں دی مدد کر‌نا چاہندے او۔‏