Istʼirinakatakjam wakichtʼasim. Wakichtʼaskäta ukhajja, istʼirinakajj kuna jan walinakansa uñjasipjje, kunjamäsipkisa uka toqenakatwa amuytʼañama.

Kuntï arskäta uk wali amuyump ajllim. Istʼirinakar chʼamañchtʼañataki, chuymachtʼañataki ukat yanaptʼañatakiw chʼamachasiñama. Arunakamajj janiw istʼirinakar chuym ustʼayañapäkiti. Jan Testigöpki ukanakatjja, janirakiw jan walinak parlañamäkiti ni kunarutï creyipki ukanakatsa jan wal parlañamäkiti.

Istʼirinakarojj yanaptʼañ munatam uñachtʼayam. Istʼirinakarojj wali munasiñampiw parltʼañama, jupanakarojj sumwa uñjañamaraki. Uñnaqamampejj kunsa uñachtʼayäta ukwa amuytʼasiñama, awisajj lartʼasirakismawa.