Тыңлаусыларың тураһында уйлан. Әҙерләнгән саҡта улар ниндәй ҡыйынлыҡтар менән осраша икәнен иҫкә төшөр. Уларҙың нимә кисергәнен күҙ алдыңа килтереп ҡара.

Һүҙҙәрҙе ентекләп һайла. Әйткәндәрең тыңлаусыларыңа хәл өҫтәһен, йыуатһын һәм дәртләндерһен. Башҡаларҙы рәнйетә алған һүҙҙәрҙе ҡулланма. Башҡа дин кешеләрен йә уларҙың имандарын кәмһетеп һөйләмә.

Ҡыҙыҡһыныуыңды күрһәт. Тауыш тоны һәм яраҡлы ишаралар менән тыңлаусылар хаҡында ҡайғыртыуыңды күрһәт. Был йөҙөңдә лә сағылһын; йышыраҡ йылмай.