CƐ̃́Ɛ́-ÐƐ̀ 12
Wuɖu Ɓɛ̀ɖɛ̀ɛ̀-Ɓɛ̀ɖɛ̀ɛ̀ Kè Wìì
1 Tɛ̀sàɖónìà 2:7, 8
SṸÌN-XWÍNÍÍN: Wùɖù ɖé hwòɖò wáɖáá mú, ɓɛ́ m̀ kéɛ tɛ̀mɛ̀ìn kà m̀ kɔ̃̀ ɖé nyɔ ɓè m̀ wùɖùà gboɛɛ jè gboɛ.
Ɔ NYU-KÀ:
-
Poìn nyɔ ɓè m̀ wùɖùà gboɛɛ jè hwìɖìi. Dyéìn nì hwòɖò-dyùàɔ̀ ti dyììn ɖé fũ̀à-fṹá ɓè wa nì dyí dyéɛń nyɛɛ jè hwìɖìi-dyà-dyà mú. Vɔ̃ ɓɛ́ m̀ ké kà wa hwòɖò nyu nìɛ̀ kɛɛ jè hwìɖìi nàìn.
-
Màìn nì wuɖu ɓèɔ̀ mú. Vɔ̃ ɓɛ́ m̀ ké nyɔ ɓè m̀ wùɖùà gboɛɛ hwòɖò dyi dè, kè ɓɛ́ m̀ ké wa kpéí po. Ɓàɖàìn wuɖu ɓè mu wa dyoɖoún poùn wɛ̃ɛ dyí, ké ɓɔ́ nyɔ ɓè se jàà-po-nyɔ̀ ɓèɛ mɔɔ ɖɛ ɓè wa po jè jàà ɖé hwòɖò wáɖáá múɛɛ cã̀ùn-cã̀ùn cɛ̃ɛ.
-
Tɛ̀mɛ̀ìn kà m̀ kɔ̃̀ nyɔ ɓè jè gboɛ. Ðé wuɖu ɓɛ̀ɖɛ̀ɛ̀-ɓɛ̀ɖɛ̀ɛ̀ kè sɔ̃-dyi-toìn-kà sɛ́ɖɛ́ìn dyí ɓè múɛɛ, tɛ̀mɛ̀ìn nyɔ ɓèɔ̀ dyí kà m̀ kɔ̃̀ ɖé wa jè gbo jàà kɛ. Kà nì dyúa-kpàɔ̀ mu nììn nyɛɛ jè mɛ nì m̀ hwìɖìi; kíɛ̀ wĩin kpɛ́-kpɛ́.
