ZIʼDE 12
Fiag wut bo tshàmndèn
1 Tésalônikà 2:7, 8
BAG TSE TSE NDÙB: Ghù ntshob mu fe à ntù o, mbèn ngù ben tse bo tshwèt njuʼ o là yen mbʼo tshwèt nte wul o num yub dùʼ.
TSHU TSʼA BÈTTE NEGHÙ LÀ:
-
Kwade ben tse bo juʼ o là. Loʼ ngelañ nesiañde nu mfà num tshob ngùtni; yennà aʼ ghù o napte ntù o. Kagtùn nekwade mba bo tshwèt njuʼ wut yub yi là.
-
Tshoʼ mba zit lag ntshob lo à bo zenu. Diag neso neta, nefide ntù, mba neso kù num ben tse bo juʼ o là. Kà tshob tshu tse bʼa keʼ yub bànbàn nà, mbèn mbàm nà neloʼ ntshob ngwag benntùn bo ke tshwèt ngamde Yaweh Nsi là yi, mba netshabte tshob ntswide.
-
Laʼde yu nkôni. Boa nkeki mbu tsʼa bètte là, mba bo nze o nebotte, laʼde ben tse bo tshwèt njuʼ o là mbʼo tshwèt nywin num bo. Zede num mat se o be yi là; ke lagde neke nzwi i.
