Epensa vaʼerã umi nerendúvare. Eprepara hag̃ua ne korasõ, epensa vaʼerã mbaʼe provlémapa ombohovái hína umi nerendúva ha eñehaʼã eñeimahina mbaʼéichapa oñeñandu hikuái.

Eiporavo porã umi mbaʼe erétava. Eñehaʼãkena emokyreʼỹ, ekonsola ha emombarete umi nerendúvape. Ani reipuru umi fráse ikatúva ombopochy algúnope térã eñeʼẽ vai ni reapoʼi umi ndoservírivape Jehovápe oguerovia rupi umi mbaʼe noĩriva la Bíbliape.

Ehechauka rehayhuha umi nerendúvape. Upearã ne ñeʼẽ rory vaʼerã ha hendaitépe ejapo umi hésto. Nde rováre ojekuaa vaʼerã eñeinteresaha umi nerendúvare, ha pyʼỹinte epukavy vaʼerã.