ˈCƖAANDHƐ- 12
Nɛinghlʋɛ- -e ɲʋn anˈ dɩ ˈˈduɛ -e
1 Tesalɔsɩ 2:7, 8
DHƐ KƆANDƖ -ˈYEA NƲN ƐN: ˈDhe -manˈ -ghlusʋn ˈdhi ɛ, toɛ -ka kman ɲʋn -an poa ʋn -dheinˈˈ bho ʋaˈ dɩ ˈˈdhe -man ˈbɔan -ˈyʋbʋ sʋn bho po ɛ.
-KA -ˈYEA NƲN ƐN:
-
-Naan ɲʋn -an poa ʋn -dheinˈˈ bho ʋaˈ dɩ -tɔˈ i. ˈKledɩ- ʋa ˈjhea, -naan ɩn -tɔˈ ˈˈkpe i. Po -manˈ ˈˈjɛ ˈbho ʋaˈ ˈgɔ ˈˈɩ.
-
Dɩ -ˈyea ˈtmʋn ɛn, jhibho- ɩanˈ ˈtmʋn ka. Dhɛ -ˈyea ˈtmʋn -wɛeˈ -ɛ ˈyea ɲʋn -an poa ʋn -dheinˈˈ bho ˈkpɩ po, -ɛ ˈyʋbʋ dɩ -gwlɩˈ i ˈˈdu ɛ, ɛmɛn- -ˈye iˈbɔn. -Bho ʋaˈ -ˈgwlɩdedhɩ -e ʋaˈ nʋʋndhɩ -nɩn Zoova aˈ -glʋˈdɩ se -je -dhueˈ kpa mɔnˈ -dhe ɛˈ, jhibho- ɛɛˈ ˈtmʋn ka -wɛeˈ ɛ ˈsʋbʋ -glʋˈ kpʋn.
-
Toɛ -ka -man naan ɲʋn anˈ dɩ -tɔˈ i ɛ. ˈPɛɛn- ghlu i, jhibho- sɩn in -po ka -wɛeˈ -ˈyeɛ -to -ka -man naan ɲʋn -an poa ʋn -dheinˈˈ bho ʋaˈ dɩ -tɔˈ i ɛ. Dɩ -man ˈtmʋan -nɩn -manˈ ˈˈjhibha ˈye imuun-, -ˈbhɛɛˈ -ˈye ŋwɔinkelɛ- -ke.
