Քեզի մտիկ ընողներուն մասին մտածէ։ Սրտանց խօսելու համար, անոնց դիմագրաւած խնդիրներուն մասին մտածէ։ Փորձէ երեւակայել թէ անոնք ինչպէ՛ս կը զգան։

Յարմար բառեր ընտրէ։ Ջանք ըրէ, որ քեզի մտիկ ընողները մխիթարես եւ քաջալերես։ Վիրաւորական բառեր մի՛ գործածեր։ Անոնց հաւատալիքներուն մասին անարգական ոճով մի՛ խօսիր։

Հետաքրքրութիւն ցոյց տուր։ Ազնիւ ձայնի թոնով եւ շարժուձեւերով քեզի մտիկ ընողներուն ցոյց տուր, որ իրենցմով իսկապէս հետաքրքրուած ես։ Դէմքի արտայայտութիւններովդ ալ այդ մէկը ցոյց տուր եւ շատ անգամ ժպտէ։