ANG ỌJẸ́JẸ 12
Ẹla o-Ya Kpẹnẹẹ Bala ọ-Mẹ Ahyẹẹrwẹrwa Jẹ
1 Ala ịTẹsalonika 2:7, 8
ẸLA ỌLẸ KÁ KA HỌ: Mẹjẹ angịlẹ kị wẹẹ ke ụrụ nyori à la ọháha haa bala o-ri à tịtọ nyọka daa ụbwọ.
JAABWỌ KÁ KA BWU HỌ ỊNYỊ:
-
Kpa angịlẹ kị wẹẹ ke ụrụ wo lang i-irya. Nwụla ọkịlẹtụ nyang nọ bwula ọ-kpụ ịlọng ịtịya nya akama ịlẹ kị la. Maga nyọka kụ irya jaabwọ kọ laa ọ-ọkịlẹtụ.
-
Dụmwọ-dụmwọ la ẹla oyaya nyang. Maga nyọka jwaa ọngịrị, kpaa ẹjẹ, bala o-jwaa ọhụ. A ya ẹla ọlẹ kọ́ ka waa ẹjẹ ka, a tị ya ẹla ọtịpyọ u-uhye nya angịlẹ kị myị la iJihova-ka lee ọmẹjẹ nyaa ka ịnyịnyị.
-
Mẹ ọháha nyang jẹ. Mẹjẹ angịlẹ kị wẹẹ ke ụrụ lang nyori ahụ nyị la ọháha haa bwula ọ-kpa ọkọ ọkpẹnẹẹ bala ọ-kpa ụbwọ lee ẹhị ya ẹla ụ-ụgbẹyị ọlẹ kọ́ pwoku. Maga ká juwa chị ụmwẹhụ ịnyịnyịịnyị.
