ĨSOMO YA 12
Kũneena wĩ Mũthalĩku na wĩ na Tei
1 Athesalonika 2:7, 8
KWA ŨKUVĨ: Neena kwa nzĩa ĩkwonany’a ũndũ ũkwĩw’a ngoonĩ na ũyony’a ethukĩĩsya maku nũũmathĩnĩkĩa.
ŨNDŨ ŨTONYA KWĨKA ŨU:
-
Sũanĩa ethukĩĩsya maku. Ĩyũmbany’e nesa kwa kwĩlilikany’a mathĩna ala makwataa ethukĩĩsya maku. Tata ũsũanĩe ũndũ mekwĩw’a.
-
Nyuva ndeto syaku nesa. Tũmĩa ndeto itonya kũthangaasya, kũkiakisya na kwĩkĩa ethukĩĩsya maku vinya. Ndũkatũmĩe ndeto itonya kũmathatya, na ndũkaneene na kĩvũthya ĩũlũ wa andũ ala mate Ngũsĩ, kana ĩũlũ wa maũndũ ala maĩkĩĩaa kuma ngoonĩ.
-
Endeew’a nĩ ethukĩĩsya maku. Ony’a ethukĩĩsya maku kana nũũmathĩnĩkĩa kwa kũneena na wasya wĩ na tei na ũitũmĩa moko ũndũ vaĩle kũkindĩlĩĩla ndeto syaku. Sũanĩa mũno ũndũ ũthyũ waku ũkwoneka; ndũkaneene ũtukĩtye ũthyũ.
