DILONGI 12
Tuba ti Tiya mpi Kuditula na Kisika ya Bawi
1 Batesalonika 2:7, 8
NA BUNKUFI: Monisa bawi nde nge ke zolaka bo mpi nde lukanu na nge kele ya kusadisa bo.
MUTINDU YA KUSALA YO:
-
Yindula bawi na nge. Yindula mambu yina bawi ke kutana ti yo. Sosa kubakisa mutindu bo ke kudiwa.
-
Pona bangogo mbote-mbote. Sosa kusiamisa, kulembika mpi kupesa bawi kikesa. Kusadila ve bangogo yina lenda lembisa bo mpi kutuba ve mambu ya mbi sambu na bantu yina ke kwikilaka ve na Yehowa to sambu na balukwikilu na bo.
-
Monisa bawi nde nge ke tudilaka bo dikebi. Mutindu na nge ya kutuba mpi bidimbu na nge ya me fwana fwete monisa bawi nde nge ke tudilaka bo dikebi. Sadila mbote bidimbu ya luse; mwetaka mingi.
