ចំណុចហាត់រៀនទី១២
ការបង្ហាញភាពកក់ក្ដៅនិងការយល់អារម្មណ៍
ថែស្សាឡូនិចទី១ ២:៧, ៨
សេចក្ដីសង្ខេប: សូមនិយាយតាមរបៀបដែលបង្ហាញអារម្មណ៍ស្មោះ ហើយបង្ហាញអ្នកស្ដាប់ថាអ្នកយកចិត្តទុកដាក់ចំពោះពួកគាត់។
របៀបអនុវត្ត:
-
គិតអំពីអ្នកស្ដាប់។ ត្រៀមចិត្តរបស់អ្នកដោយរំលឹកខ្លួនអំពីបញ្ហាដែលអ្នកស្ដាប់ប្រឈមមុខ។ សូមព្យាយាមស្រមៃគិតអំពីអារម្មណ៍របស់ពួកគាត់ពេលប្រឈមមុខនឹងបញ្ហាទាំងនោះ។
-
ជ្រើសរើសពាក្យដោយយកចិត្តទុកដាក់។ ព្យាយាមលើកទឹកចិត្ត សម្រាលទុក្ខ និងជំរុញចិត្តអ្នកស្ដាប់។ ជៀសវាងប្រើពាក្យណាដែលធ្វើឲ្យអ្នកស្ដាប់ទើសចិត្ត ហើយកុំនិយាយមើលងាយអ្នកដែលមិនជឿទៅលើព្រះយេហូវ៉ា ឬមើលងាយជំនឿដែលពួកគាត់ជឿយ៉ាងស្មោះនោះឡើយ។
-
បង្ហាញអ្នកស្ដាប់ថាអ្នកយកចិត្តទុកដាក់ចំពោះពួកគាត់។ បង្ហាញអ្នកស្ដាប់ថាអ្នកពិតជាយកចិត្តទុកដាក់នឹងពួកគាត់ដោយកាយវិការរបស់អ្នក និងដោយបន្លឺសំឡេងយ៉ាងស្រទន់។ សូមគិតអំពីទឹកមុខរបស់អ្នក ហើយញញឹមជារឿយៗ។
