Дәрһәԛа гӧһдаред хԝә бьфькьрә. Проблемед гӧһдаред хԝә һьлдә һʹәсаб у ӧса дьле хԝә һазьр кә. Хԝә дайнә дәԝса гӧһдара у һәстед ԝан фәʹм бькә.

Гьлийе лайиԛ бьжберә. Бьхәбьтә кӧ емосийед баш дәрбази гӧһдаред хԝә ки, бәрдьле ԝанда бейи у ԝана ԛәԝи ки. Хԝә жь ԝан гьли-готьна дур бьгьрә, кʹижан кӧ дькарьн гӧһдара бьдьнә хәйидандьне. Мәсәлә, тьштед нәбаш нәбежә дәрһәԛа мәрьвед, кӧ Йаһоԝа баԝәр накьн у йед кӧ хԝә ль һʹәбандьна хԝә дьгьрьн.

Хәмгинийа хԝә бьдә кʹьфше. Бь дәнге хԝәйи нәрм, у хԝәгьртьна лайиԛ, бьдә кʹьфше, ԝәки тӧ бь рʹасти жи бона мәрийа хәм дьки. Бьхәбьтә кӧ бәшәра тә тʹьме хԝәш бә.