Yindula o wantu ana olonga. Kubika o ntima yo sungamena e mpasi benuananga zau. Teza yindula una bemonanga muna ntima.

Toma sola e mvovo. Vanga e ngolo muna kasakesa, fiaulwisa yo vuvika awana bekuwanga. Venga e mvovo milenda kubalweka muna ntima. Kusadila mvovo mia lutiangu ko mu kuma kia awana ke besambilanga Yave ko ngatu veza malongi bekwikilanga.

Songa e ngemba. E zú diaku dia ndinga ye sinsu ovanga ifwete songa kwa awana bekuwanga vo mfunu kikilu okubavuanga. E mpolo aku ke ifwete kala yakangama ko, sevanga nkumbu miayingi.