Угуучуларыңды ойло. Даярданып жатканда алардын кандай көйгөйлөргө туш болуп жатканын ойло. Өзүңдү алардын ордуна коюп көр.

Сөздөрдү кылдат танда. Угуучуларды сергитүүгө, жубатууга жана аларга дем-күч берүүгө аракет кыл. Катуу тие турган сөздөрдү айтуудан сак бол. Жахабага сыйынбагандарды басынта турган же алардын чын жүрөктөн ишенген нерселерин сындаган сөздөрдү айтуудан кач.

Угуучуларыңдын жыргалчылыгына кызыкдар экениңди көрсөт. Үнүңдүн жумшак тонунан, орундуу жаңсоолоруңдан угуучуларга болгон жылуу сезимиң байкалып турсун. Сезимдериңди жүзүң менен да чагылдырганга аракет кыл. Көбүрөөк жылмай.