Mubinong’onele abantu. Po mukusengannya inkani yinyu mumanyaghe intamyo zyo bakukomana nazyo. Yezya ukwinong’onela mo bakwiyivwila ichifukwa cha ntamyo zyo abakukomana nazyo.

Musalaghe akiza amazyu. Musale amazyu aghakuti ghangabaghomya nu kubasangalusya bo bakwivwisya. Mutakanene amazyu aghakuti ghangabakalalizya abantu pamo ukunena ivintu ivibibi ivyakukwafyannya na bantu bo batakumusubila u Yehova sona ivyakukwafyannya na vyo bakusubila.

Mulangizye ukuti mubaghanite. Munenaghe umwachisa nu kubombezya akiza amajesika ukuti mulangizye ukuti bo bakwivwisya bakulondiwa. Pamaso pinyu palangizye ukuti mukubinong’onela, mumwetulilaghe akabalilo kosi.