ບົດຮຽນທີ 12
ຄວາມອົບອຸ່ນແລະການຮ່ວມຄວາມຮູ້ສຶກ
1 ເທຊະໂລນີກ 2:7, 8
ຈຸດສຳຄັນ: ເວົ້າດ້ວຍຄວາມຈິງໃຈ ເຮັດໃຫ້ຜູ້ຟັງຮູ້ວ່າເຈົ້າຮັກແລະຢາກຊ່ວຍເຂົາເຈົ້າ.
ສິ່ງທີ່ຄວນເຮັດ:
-
ຄິດເຖິງຜູ້ຟັງ. ຕອນທີ່ກຽມໃຫ້ຄິດເຖິງຜູ້ຟັງວ່າເຂົາເຈົ້າປະສົບກັບບັນຫາຫຍັງແດ່. ພະຍາຍາມເຂົ້າໃຈຄວາມຮູ້ສຶກຂອງເຂົາເຈົ້າ.
-
ເລືອກຄຳເວົ້າທີ່ດີ. ເລືອກຄຳເວົ້າທີ່ຈະເຮັດໃຫ້ຜູ້ຟັງຮູ້ສຶກສົດຊື່ນ ສະບາຍໃຈ ແລະໄດ້ຮັບກຳລັງໃຈ. ບໍ່ເວົ້າເລື່ອງທີ່ເຮັດໃຫ້ຜູ້ຟັງບໍ່ສະບາຍໃຈຖ້າບໍ່ຈຳເປັນ ຫຼີກລ່ຽງການເວົ້າໃນແງ່ລົບກ່ຽວກັບຄົນທີ່ບໍ່ເຊື່ອພະເຢໂຫວາ ຫຼືເວົ້າດູຖູກຄວາມເຊື່ອຂອງເຂົາເຈົ້າ.
-
ສະແດງຄວາມສົນໃຈ. ໃຊ້ນ້ຳສຽງທີ່ອົບອຸ່ນແລະທ່າທາງທີ່ເໝາະສົມ ເຮັດໃຫ້ຜູ້ຟັງເຫັນວ່າເຈົ້າສົນໃຈລາວແທ້ໆ. ເອົາໃຈໃສ່ການສະແດງອອກທາງສີໜ້າ ແລະຍິ້ມເລື້ອຍໆ.