CHILONGESA 12
Chisambo naKutetela
Wavaka-Tesolonyika 1, 2:7, 8
VYUMA WATELA KULINGA: Hanjika mujila yize nayisolola nge wazakama vaze vali nakukwivwilila.
MWAKULINGILA NGOCHO:
-
Shinganyeka hali vaze vali nakukwivwilila. Watela kushinganyeka haukalu veji kumonanga vaze navakakwivwilila. Shinganyeka kwijiva nge yove uli nakuhita muukalu kana.
-
Sakula kanawa mazu mukazachisa. Fwila kuhizumuna vaze vali nakukwivwilila nakuvavendejeka nakuvajikijisa. Kawatela kuhanjika mazu aze nawevwisa kupihya vaze vali nakukwivwililako chipwe akusaula vaze kavafwelela muli Yehova chipwe kufwefulula vyuma vafwelelako.
-
Solola ngwove wavazakama. Watela kuhanjika nalizu lyalivwovu nakuzachisa kanawa mujimba mangana usolole ngwove wazakama vaze vali nakukwivwilila. Watela kumwesa mwesa kukanwa nakusolola hameso ngwove wazakama vaze vali nakukwivwilila.
