Ngaithlatute chu ngaihtuah rawh. An hmachhawn buainate inhriatnawntîrin, i thinlung buatsaih la, an rilru tûr chu mitthla ang che.

I ṭawngkam hman tûr chu ngun takin thlang rawh. Ngaithlatute tihhahdam dân, thlamuan dân, leh tihchak dân tûr zawng ang che. Ṭûl lo taka anmahni tilunghnual thei ṭawngkamte hmang lo la, ring lotute leh an ngainat tak an thurinte chu ngainêp zâwngin sawi suh.

Ngaihvenna lantîr rawh. Ngaithlatute i ngaihsakzia chu ngilneihna awkâ leh zaizir inchawih tak hmangin lantîr rawh. I hmêl lan dânah fîmkhur la, nui hmêl pu ṭhîn ang che.