XNAQʼTZBʼIL 12
Yekʼinxa tkʼujlabʼila kyiʼj txqantl ex ximana kyiʼj
1 Tesalonicenses 2:7, 8
TOJ CHʼIN YOL: Yekʼinxa qa at tkʼujlabʼila kyiʼj qeju in che bʼin tiʼja ex qa taja tuʼn tonina kyiʼj.
TZEʼN JAKU BʼANT
-
Ximana kyiʼj qeju in che bʼin tiʼja. Aj tkubʼ tbʼinchaʼn ttena, ximana kyiʼj nya bʼaʼn in che ok weʼ twitz ex tzʼok tilil tuʼna tuʼn tel tnikʼa tiʼjju in kubʼ kynaʼn.
-
Jyoʼnktza qe tbʼanel yol. Tzʼok tilil tuʼna tuʼn tonina ex tuʼn t-xi tqʼuqbʼaʼna kykʼuʼj qeju in che bʼin tiʼja. Miʼn che ajbʼen yol tuʼna aju jaku kubʼ kynaʼn txqantl nya bʼaʼn tuʼn. Miʼn yolina nya bʼaʼn kyiʼj qeju mintiʼ in che ajbʼen te Jehová nix tiʼjju nimen kyuʼn.
-
Yekʼinxa qa in ximana kyiʼj. Jaku bʼant jlu tuʼna aj tyolina tukʼil tbʼanel tqʼajqʼajel twiʼya ex aj t-xi tyukina moqa aj t-xi tyekina qe tqʼabʼa toj tumel. Ax ikx ximana tiʼjju in xi tyekʼina aj t-xi tyukina twitza. Tbʼanel qa kukx ma tzeʼna.
