Колыштшо-влак нерген шоналте. Ямдылалтмет годым шарналте, могай нелылык дене нуно тӱкнат. Нунын шижмашыштым умылаш тырше.

Мут-влакым шонкален-вискален кучылт. Лыпландараш да кумылаҥдаш тырше. Сусыртен кертше мут деч кораҥ. Юмылан вес семын ӱшаныше еҥ-влак нерген, нунын молан ӱшанымышт нерген уда мут дене ит ойло.

Полшаш кумылетым ончыкто. Тыматлын ойлымет дене да келшен толшо жестым кучылтмо дене колыштшо-влак верч азапланымым ончыкто. Чурийончалтышетым эскере да чӱчкыдынрак шыргыжал.