Yelenganyani pe wano muliya mukulandako. Pano mukupekanya mwakwelenganya pa ntazi zino wakupitamo, na vino wakuyivwa.

Solani amazwi amazima. Mwawikako sana amano pa kuti amazwi yano mukulanda yasansamusya nu kuwomelezya wakivwa. Mutawomvya amazwi yano yangawapunuzya, swinya mutalanda iviwipe pe wano tusipepa nawo na pe vino wazumilamo.

Lanjizyani ukuti muwawisileko amano. Vino izwi linu likwivwika na vino mukuwomvya icete umuwili vingalanjizya ukuti muwisileko amano kwe wano mukulandako. Mwamwentulako mu mpindi mu mpindi.