Ximoiljui ipan katli mitstlakakiliaj. Tlaj tijneki tijnextis titeiknelia, ximoiljui tlake kuesoli kipiaj katli mitstlakakiliaj uan xijchiua kampeka timoiljuis kenijkatsa momachiliaj.

Kuali xijtlapejpeni o ximoiljui tlen tikijtos. Xijchiua kampeka tikinyolchikauas, tikinyoltlananas uan tijchiuas kuali ma kiyolmatikaj katli mitstlakakiliaj. Amo xijtekiui tlajtoli tlen teyolkokoua uan amo xijnexti tikinkualankaita katli amo kitekipanouaj Jehová o amo sanse tlaneltokaj kej ta.

Xijnexti mitstekipachoua tlen sekinok kinpano. Kiampa tijnextis tlaj ika motoskak kakistis titeiknelia uan nojkia tlaj timojmolinia kej kinamiki. Nojkia ximoiljui tlake tijnextis ika moxayak, yeka ajachika xiixuetska.