OSHITSA 12
Popya nolukeno nosho wo nohole
1 Aatessalonika 2:7, 8
SHOKA WU NA OKUNINGA: Uuna to popi naapulakeni yoye, ulika kutya owu na ko nasha lela nayo nowa hala oku ya kwathela.
NKENE WU NA OKU SHI NINGA:
-
Kaleka aapulakeni momadhiladhilo. Sho to ilongekidha, itula ando moongaku dhawo. Dhiladhila kombinga yomaupyakadhi ngoka taya kondjo nago.
-
Iitya yoye nayi kale ya hogololekekeka. Longitha iitya mbyoka tayi talaleke, tayi hekeleke notayi ndjangeke omitima dhaapulakeni. Ino longitha omautumbulilo ngoka tage ya uvitha nayi. Ino popila muuwinayi aantu mboka kaaye shi Oonzapo, ngoye ino sheka eitaalo lyawo.
-
Ulika kutya owu na ko nasha naapulakeni. Ulika kutya owu na ko nasha nayo, mokulongitha omutono gwewi tagu opalele nosho wo omaudhi. Aapulakeni naye shi mone koshipala shoye kutya owu na ko nasha nayo, sho to imemeha.
