LÉZI’I 12

Kiè’té mboum jou, mbing ngnièe tsôôn méziŋé

PLAY

1 Tésalonika 2:7, 8

NO YIÉ MÉ GWIÉE LÉ KIMTÉ: Gnièe mbwo pʉa ngié o kouoŋo wôb, mbing né nkouoŋo lé kuiété wab.

Lecteur multimédia kaa naa.Kuilé yôôn vidéo

Thié na jʉ’ pʉa pié é né njou’ou no yié o né ngôôn. O lôôn ngouaa tchoungté two chouŋé jou, o tsigé no na méngégé mié pʉa waa ngwiée. Tra lé tsig nti yié po jou’ou ntʉm pôb pou’ou.
Pii tam ntsaasé no yié o gé gôôn. Fa’ chʉo lé suiété létʉm pʉa, mboo lé naa wab sa’a métʉ. Pôôn lé gôôn choum sié é gé tém chʉ na pʉa pié é té Pakuié Ntang wô, mboo na choum sié po zab ntʉm moo.
Gniè ngié pʉa gwiée tʉnzuing. Lôg nghié jou pô mégèste mou ngʉo ta pʉa pié é né njou’ou no yié o né ngôôn giè ngié po gwiée tʉnzuing pwo wou. Loukôt na nti yié o gwiée chʉo wou pou’ou; lôgô légwuié ngôôn no.

O lôôn né nkouoŋo lé gnièe lékag ka lémʉôgté wôô, o pôôn lé gniè ta a tchʉa. O lôôn né ntoŋo mmo, o gʉo ta mé jou’ nti yié gning wuié a la ŋwé’é la né njou’ou ntʉm yé pou’ou. Ta’, pôôn lé gʉo ta mé tchʉ’ ndié po wou. O lôôn nkoué’é nghié na mékôngsône, mba ngouo a gʉo two chouŋo jou tchʉ’ suié suié. Koué’é nghié jou po na mévouayèl ndôg ngʉo two chouŋo jou touéeté.

NÉŊÉ TWO NA LÉTOŊO MMO PO LÉZI’I PɄA

Ngiemboon

Létoŋo mmo po lézi’i pʉa—Kiè’té mboum jou, mbing ngnièe tsôôn méziŋé

https://assetsnffrgf-a.akamaihd.net/assets/ct/442e614bdf/images/syn_placeholder_sqr.png

th lézi’i 12 goung 15