PHUNZILO 12
Kulaŵila Molimbikisha Koma Soti Mokhuzika
1 Atesalonika 2:7, 8
MALIZU ACIDULE: Laŵilani mokhuzika ndipo oneshani omvwishila kuti muŵaganizila.
MWAMUNGACITILE:
-
Mukoganizila omvwishila. Pokonzekela mukoganizila mavuto yakukumana nayo omvwishila. Mukoganizila mwakumvwila.
-
Sankhani malizu oyenelela. Colinga canu cikonkhala kuŵatonthoza koma soti kuŵalimbikisha. Pewani kuseŵenzesha malizu amene angaŵakhumudwishe, osalaŵila malizu oonesha monga kuti munena amene ayamba lombapano kusonkhana nase olo kulaŵila monga kuti muŵaweluza pa zinthu zamene ankhala ozikhulupilila.
-
Oneshani cidwi. Oneshani kuti musamala mwaakumvwila omvwishila wanu poseŵenzesha malizu oyenelela na magesica atanthauzo. Mufunika soti kunkhala osamala na mwamuoneshela cinso canu, mukomwetulilako.
