Mubinong’oneleghe fiyo. Pakabalilo aka mukwitendekesya, mundumbula yinu mwinong’oneleghe indamyo isi bikwagha nasyo. Mwinong’oneleghe muno bikwipilikila.

Musaleghe kanunu amasyu aghakubombela. Isi mukuyoba siyeghe syakukasya, syakusubisya kangi syakupa amaka ku bandu. Muyeghe maso ukuti muleke ukuyoba amasyu agha ghabaghile ukubakalalisya pamo ukubakosya isoni.

Munangisyeghe ukuti muhobwike nabo. Linga mukubombela amasyu na majesika amanunu ko kuti mukunangisya ukuti mukubinong’onela abandu. Ikyeni kinu kinangisyeghe muno mukwipilikila.