Дӕ игъосгутӕбӕл сагъӕс кӕнӕ. Расагъӕс кӕнӕ, дӕ игъосгутӕн цӕхуӕн зиндзийнӕдтӕ фӕууй, уобӕл. Байархайӕ, цӕмӕй син сӕ зин балӕдӕрай.

Дӕ дзурдтӕбӕл лӕмбунӕг расагъӕс кӕнӕ. Уӕхӕн дзурдтӕ ӕвзарӕ, цӕмӕй дӕ игъосгути нифс бафедар кӕнай ӕма си хъауритӕ бауадзай. Йеговӕбӕл ка не ’ууӕндуй ӕма ӕ дин ка уарзуй, уони хӕццӕ дзоргӕй дӕхе хезӕ, гъулӕг сӕмӕ ка фӕккӕсдзӕй, уӕхӕн дзубандитӕй.

Ӕвдесӕ, ке сӕбӕл тухсис. Куд дзорис, уомӕй ӕма де ’уӕнгти ’змӕлдӕй бӕрӕг уӕд, дӕ игъосгутӕбӕл ӕгас зӕрдӕй ке тухсис. Дӕ цӕсгони ӕвӕрдмӕ дӕ гъос дарӕ ӕма арӕхдӕр баходисӕ.