LECCIÓN 12
Sumaq sonqowan khuyapayaspa rimay
1 Tesalonicenses 2:7, 8
Manan jawa sonqollachu rimanayki, jinaspapas uyariqkunata munakusqaykitan rikuchinayki.
¿IMAYNATAN RUWAWAQ?
-
Uyariqniykikunapin piensanayki. Preparakushaspan tapukunayki: “¿Ima problemakunapin uyariqniykuna tarikushanku?”, nispa. Jinaspa kallpachakunayki imayna sientekusqankuta entiendenaykipaq.
-
Ama comuntaqa rimaychu. Uyariqniykikunata kallpachanaykipaq, consolanaykipaq jina rimay. Ama phiñachinaykipaq jinaqa rimaychu. Jehová Diosta mana serviq runakunamantaqa manan millaytaqa rimanaykichu nitaq creenciankunamantapas.
-
Uyariqkunapi interesakusqaykita rikuchiy. Chaypaqqa sumaqllatan rimanayki, chaymi rikukunan gestokuna ruwasqaykipi. Uyaykipipas kusisqa kasqankutan rikunanku.