Gândisar-tu codolende cai așunen-tu. Pregătisar chio ilo hai an tuche amintea ce pharimata si le manușen. Gândisar-tu sar daștin te simțon-pe von.

Alosar mișto che cuvintea. Rode te zuriares hai te anes alinare codolenghe cai așunen-tu. Na folosisar cuvintea cai daștinas te holearen-le hai na de duma bi respectosco anda codola cai nai-le Martori sau anda soste pachian von.

Sicav intereso ciacio. De duma șucar hai prin gesturi potrivime sicav codolenghe cai așunen-tu că san ciaces interesime lendar. Pe chio mui te dichiol-pe că san bucurime hai asa po iech data.