Macciishshaanote daafira hedi. Iillanni noonsa qarra balaxxe hedi. Hakkiinni mayi macciishshamannonsaro wodanchate woˈnaali.

Coyiˈratto qaalla qorophite doori. Macciishshaano jawaachishanna sheshifachisha dandaatto doogo hasiˈri. Insa koffi assannore coyiˈrattokki gede qorophi; hattono Yihowa Farciˈraasine ikkitinokkire woy insa ammantanno roso mishshe coyidhooti.

Macciishshaanote daafira hedattota leellishi. Qoonqokkinna bisu millimillokki macciishshaanote daafira addinta hedattota leellishshannota ikkito. Albikki xawinoha ikko ikkinnina kolossi yite coyidhooti.