Manatunatu i lau aofia. Ia sauniunia lou loto e ala i le manatunatu i faafitauli o loo latou fesagaʻia, ma taumafai e faaāta o latou faalogona.

Filifili lelei au upu. Ia faafouina, faamāfanafana ma faamalosia lau aofia. ʻAlofia ni faamatalaga e ono faatigā ai iā i latou, ma aua neʻi taʻu faatauvaaina ē e lē talitonu ma o latou talitonuga.

Faaalia lou naunau i lau aofia. Ia faailoa i lau aofia lou manatu mamafa iā i latou, e ala i se leo malū ma tāga talafeagai. O ou foliga vaaia e faaalia ai lou naunau i lau aofia, o lea ia mataʻataʻata.