DILONGYESHA 12
Kwakula na kibobo na kwituula pa mbalo ya bangi
1 Beena-Tesalonika 2:7, 8
MU KIKOSO: Byopusha bimwenekye kalolo mu ngakwilo oobe, oleshe abakuteemesha shi we mwibafule na okumina kwibakwasha.
BYA KUKITA:
-
Tuula bantu abakuteemesha mu binangu. Lumbuula eshimba dyobe, otentekyeshe myanda yabadi nayo. Tompa kunangushena ku byabapusha.
-
Sangula bishima byobe kalolo. Kimba bya kutaadisha mashimba a bantu abakuteemesha, na kwibanyingisha. Twekalanga na ngakwilo mukumbene kwibalwisha ku mashimba, sunga kwakula bi bubi pabitale bantu bashi bakumiine mwi Yehowa na pabitale lukumiino lwabo.
-
Lesha shi okwete kwitatshisha bwabo. Akula n’eyi di buwa na kusanyisha mbidi bi buwa, lesha bantu shi okwete kwituula pa mbalo yabo. Taluula byokitshi mpala yobe; ikala omungamunga.
